काठमाडाैं– झापाको काँकडभिट्टाबाट काठमाडौं आउँदै गरेको ना ७ ख ४३८७ नम्बरको बस धादिङमा दुर्घटनामा परेको छ । दुर्घटनामा मृत्यु हुनेकाे संख्या ५ पुगेकाे प्रहरीले जनाएको छ । २९ जना घाइते भएका छन् । 

घाइतेमध्ये १४ जनालाई स्थानीय अस्पतालमा सामान्य उपचारपछि काठमाडौँ पठाइएको छ र अन्य घाइतेहरुको गजुरी, आदामघाट र गल्छीमा रहेका स्वास्थ्य केन्द्रमा उपचार भइरहेको छ। 

बस गजुरी नगरपालिका ६ बन्छेटारमा दुर्घटना भएको हो । प्रहरीका अनुसार बस सडकबाट  ६० मिटर तल त्रिशुली नदीमा खसेको छ । उद्धार कार्य जारी रहेको प्रहरीले जनाएको छ ।