Sun, 12 Jul, 2020


मतगणना नसकिँदै ‘शानदार विजयका लागि’ मोदीलाई श्रीलंकाको बधाई
फरकधार / जेठ ९, २०७६

नयाँ दिल्ली– भारतमा लोकसभा निर्वाचनको मतगणना जारी छ । अहिलेसम्मको अग्रता हेर्दा सत्तारुढ भाजपाले सन् २०१४ मा जस्तै एक्लै बहुमत ल्याउने संकेत देखिएको छ । 



अहिलेसम्मको अपडेटमा भाजपा नेतृत्वको एनडिए गठबन्धनले कुल ५४२ सिटमध्ये ३४१ सिटमा अग्रता लिएको छ । विपक्षी कांग्रेस नेतृत्वको युपिए गठबन्धन ९२ सिटमा अगाडि छ भने अन्य क्षेत्रीय दलहरु १०९ सिटमा अगाडि छन् । 

प्रधानमन्त्री नरेन्द्र मोदीले वाराणशीबाट दुई लाखभन्दा बढी मतले अग्रता लिएका छन् । कांग्रेस अध्यक्ष राहुल गान्धी अमेठीमा भाजपा नेतृ स्मृति इरानीभन्दा पछि परेका छन् । 

यसैबीच, श्रीलंकाली प्रधानमन्त्री रनिल विक्रमासिंघेले भारतीय प्रधानमन्त्री मोदीलाई शानदार विजयका लागि बधाई दिएका छन् । ‘शानदार विजयका लागि नरेन्द्र मोदीलाई बधाई !’ केहीबेरअघि ट्विट गर्दै विक्रमासिंघेले लेखेका छन्, ‘हामी तपाईंसँग निकट रहेर काम गर्न खोजिरहेका छौँ ।’


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्