काठमाडौं– आगामी आर्थिक वर्षका लागि सरकारले स्वास्थ्य क्षेत्रका लागि ६८ अर्ब ७८ करोड रुपैयाँ बजेट विनियोजन गरेको छ । प्रतिनिधिसभामा बजेट प्रस्तुत गर्दै अर्थमन्त्री डा.युवराज खतिवडाले उक्त रकम विनियोजन गरेको जानकारी गराएका हुन् ।
अर्थमन्त्री खतिवडाले पूर्ण खोप सबै वडामा सञ्चालन गर्ने बताउँदै बिपन्न वर्गका लागि उपचारमा सहयोग गर्न २ अर्ब अनुदान दिइने बताए । उनले ८ रोगमा सहुलियत दिने जानकारी गराए ।
स्तन क्यान्सरको उपचारमा सहयोग पुर्याउन लागि आवश्यक बजेटको समेत व्यवस्था गरिएको उनले जानकारी दिए ।
भक्तपुरको दुवाकोटमा वीर अस्पतालको भवन बनाउन ४० करोड बजेट विनियोजन गरिएको बताउँदै खतिवडाले तीन वर्षभित्र सबै प्रदेशमा अत्याधुनिक निदान केन्द्र सञ्चालनमा ल्याउने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।