एजेन्सी– अमेरिकाको भर्जिनियामा अन्धाधुन्ध गोली चलाउँदा १२ जनाको मृत्यु भएको छ । ६ जनाभन्दा धेरै घाइते भएका छन् । 

प्रहरीका अनुसार यो घटना एउटा सरकारी भवनमा भएको हो । स्थानीय प्रहरीले यो गोली चलाउने व्यक्ति त्यहाँको नगरपालिका केन्द्रका भएको र उनले आफ्नै कार्यस्थलमा अन्धाधुन्ध गोली चलाएको बताएका छन् । 

अहिलेसम्म आक्रमणकारीको पहिचान सार्वजनिक गरिएको छैन । प्रहरीले ती आक्रमणकारीको पनि मृत्यु भइसकेको बताएको छ । घटनामा एक प्रहरी पनि घाइते भएका छन् । 

प्रहरीका अनुसार यो घटना शुक्रबार स्थानीय समयअनुसार साँझ चार बजे भएको थियो । भर्जिनियाका अधिकारीहरुले यसलाई इतिहासको सबैभन्दा त्रासदीपूर्ण दिनको संज्ञा दिएका छन् ।

यो अमेरिकामा यो वर्ष भएका अन्धाधुन्ध गोली प्रहारको १५० औं घटना हो ।