Tue, 18 Jun, 2019


जावेद जाफरीकी छोरी अलाविया जसले अस्वीकार गरिन् १५ फिल्म
फरकधार / जेठ २५, २०७६

एजेन्सी– अहिले बलिउडमा जावेद जाफरी निकै चर्चामा छन् । तर, उनी आफैंले केही गरेकाले अहिले चर्चामा आएका होइनन् । उनको छोरा मिजान जाफरीको पहिलो फिल्म मलाल यही ५ जुलाईमा रिलिज हुँदैछ । यही कुराले पनि जावेदलाई चर्चामा ल्याएको हो । 



तर, अझ चर्चा त अर्को कुरामा भएको छ । त्यो हो, उनकी जेठी छोरी २६ वर्षीया अलावियाले बलिउडका हस्तीहरुले राखेका प्रस्तावसमेत अस्वीकार गरेकी छिन् । अहिले अमेरिकामा पढिरहेकी जावेदकी छोरी अलावियाले धर्मा, यशराज तथा एक्सेललगायतका प्रोडक्सन हाउसले गरेका प्रस्ताव पनि अस्वीकार गरेको कुरा भारतीय मिडियामा निकै चर्चामा छ ।

अलावियाले १५ भन्दा धेरै फिल्म अस्वीकार गरिसकेको कुरा अरु कसैले नभएर उनकै भाई मिजानले बताएका हुन् । फेसन र बिजनेस पढिरहेकी अलावियाले पढाइ सकिएपछि चाहिँ फिल्ममा आउन सक्ने सम्भावना रहेको मिजानले बताएका छन् । 


यो सामाग्री सेयर गर्नुहोस्


यो पनि नछुटाउनुहोस्