Sun, 25 Aug, 2019


वारेन बफेटसँग लन्च गर्न ५० करोड  !
फरकधार / जेठ २५, २०७६

एजेन्सी– विश्वका सबैभन्दा धनीमध्येका एक वारेन बफेटसँग विहानको खाना अर्थात् लन्च गर्नका लागि करिब ५० करोड रुपैयाँ खर्चन एक व्यक्ति तयार भएका छन् । यी व्यक्रि क्रिप्टोकरेन्सी ट्रानिक्सका संस्थापक जस्टिन सन हुन् । २८ वर्षका सनले सोमबार ट्विट गरेर यो जानकारी दिएका हुन् । 



अचम्म त के भने विश्वभर अनेक व्यवसायमा लगानी गरेका बफेटले क्रिप्टोकरेन्सीमा विश्वास गर्दैनन् । उनी त क्रिप्टोकरेन्सीलाई मुसा मार्ने औषधि भन्दा पनि खतरानक भएको बताउँछन् । तर, अब क्रिप्टोकरेन्सीकै संस्थापकसँग बसेर उनले खाना खाने भएका छन् । 

सनले यो लन्च मिटिङले वारेन बफेटको क्रिप्टोकरेन्सीबारेको धारणा परिवर्तन हुने विश्वास लिएका छन् । उनले बफेटलाई क्रिप्टोकरेन्सीमा पनि लगानी गर्न उत्प्रेरित गर्ने बताएका छन् । सनले सन् २०१७ मा क्रिप्टोकरेन्सी ट्रान सुरु गरेका थिए । अहिले यो विश्वको एघारौँ ठूलो क्रिप्टोकरेन्सी हो । यसको मूल्य ४ अर्ब रुपैयाँ बराबरको रहेको छ । 

बफेटसँग खाना खानका लागि यसरी लिलामीमा खर्च हुने रकमलाई ग्लाइड फाउन्डेसनले प्रयोग गर्दै आएको छ । यसपटक लागेको यो बोली अहिलेसम्मकै सबैभन्दा महंगो हो ।


यो सामाग्री सेयर गर्नुहोस्


यो पनि नछुटाउनुहोस्