काठमाडौं– भारतले जारी विश्वकपमा आफ्नो दोस्रो खेलमा अष्ट्रेलियालाई ३६ रनले हराएको छ । भारतले यो खेलमा टस जितेर पहिले ब्याटिङ गर्ने निर्णय गरेको थियो । उसले ५० ओभरमा ५ विकेट गुमाउँदै ३५२ रन बनायो ।

३ सय ५३ रनको लक्ष्य लिएर ब्याटिङ गर्न उत्रिएको अष्ट्रेलियाली टिमले ५० ओभरमा ३ सय १६ रन मात्र बनाउन सक्यो । 

जारी विश्वकपमा यो भारतको लगातार दोस्रो जित हो । भारतले आफ्नो पहिलो खेलमा दक्षिण अफ्रिकालाई हराएको थियो । विश्वकपमा भारतले अष्ट्रेलियालाई जितेको यो चौथों पटक हो । 

अष्ट्रेलियाले पछिल्ला ११ एक दिवसीय खेलमा पहिलो पटक पराजय भोगेको हो । 

यो खेलमा भारता लागि शिखर धवनले सबैभन्दा बढी १ सय १७ रन योगदान गरे । बलिङमा भारतका जसप्रित बुमराह र भुवनेश्वर कुमारले ३–३ विकेट लिए । युजवेन्द्र चहलले २ विकेट लिए । 

अष्ट्रेलियाका लागि स्टिभ स्मिथले सबैभन्दा धेरै ६९ रनको योगदान दिए ।