Tue, 18 Jun, 2019


सामाजिक सुरक्षाको कार्यान्वयनको अवस्थाबारे प्रतिपक्षी दलको चासो
फरकधार / जेठ २९, २०७६

काठमाडौं– बुधबार प्रतिनिधिसभा बैठकको शून्य समयमा योगदानमा आधारित सामाजिक सुरक्षाको कार्यान्वयनको अवस्थाबारे प्रमुख प्रतिपक्षी दल नेपाली कांग्रेसले जानकारी माग गरेको छ । प्रतिपक्षी दलका तर्फबाट सांसद डा. डिला संग्रौलाले योगदानमा आधारित सामाजिक सुरक्षाको कार्यान्वयनको अवस्थाबारे सरकारसँग जानकारी माग गरेकी हुन् ।  



सामाजिक सुरक्षा योजनाका लागि रोजगारदाता सूचीकरण र श्रमिकको सूचीकरण एक प्रतिशत पनि हुन नसकिरहेको भन्दै उनले भनिन्, ‘यो अवस्थामा श्रमिकले विगतमा पाइरहेको सुरक्षा योजना पनि नपाउने र नयाँ योजनामा पनि जाने नसक्ने अवस्थाले थप जटिलता सिर्जना भएको छ । यसमा सरकारको ठोस कार्यक्रम खोइ ?’

यस योजनामा संगठित क्ष्ोत्रलाई समेटे पनि अनौपचारिक क्षेत्रका श्रमिकका लागि सरकार के गर्दै छ भन्दै सोबारे जानकारी माग गरिन् ।  सर्वोच्च अदालतले विदेशमा रहेकाहरूलाई पनि मतदानको अधिकार दिएको भन्दै उनले उनीहरूलाई मताधिकार दिलाउने सन्दर्भमा सरकार मौन बसेकोप्रति आपत्ति जनाइन् । 

सरकारले न्यूनतम ज्याला लागू गरेको, तर निजी क्षेत्रमा लागू नभएको भन्दै उनले कार्यान्वयनका लागि सरकारले अनुगमन गर्नुपर्ने औँल्याइन् । 


यो सामाग्री सेयर गर्नुहोस्


यो पनि नछुटाउनुहोस्