काठमाडौं– प्रधानमन्त्री केपी शर्मा ओलीले प्रस्तावित गुठी विधेयकका सम्बन्धमा काठमाडौं उपत्यकाका सांसदहरुसँग छलफल गर्नुअघि नेकपाका वरिष्ठ नेता एवं पूर्वप्रधानमन्त्री माधवकुमार नेपालले सोमबार सिंहदरबारमा उनीहरूसँग छुट्टै छलफल गरेका छन् ।
नेपालले सो विधेयकबारे सांसदरुसँग सिंहदरबारमा करिब डेढ घन्टा छलफल गरे । नेता नेपाल र सांसदबीच सोमबार दिउँसो १ बजेदेखि करिब डेढ घन्टा छलफल भएको थियो ।
छलफलमा सहभागी सांसदहरूले गुठी विधेयक फिर्ता लिन नेता नेपालसमक्ष माग गरेको बुझिएको छ । भेटका क्रममा नेता नेपालले सांसदहरूको मागअनुसार सो विधेयक संशोधन गर्न आफू लागिपर्ने आश्वासन दिएको बुझिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
