बझाङ– बझाङमा जिप दुर्घटना हुँदा नौजनाको मृत्यु भएको छ ।

बझाङका डिएसपी सूर्यबहादुर केसीका अनुसार से१ज १०७२ नम्बरको जिप कोटदेवल भन्ने ठाउँमा दुर्घटना हुँदा नौजनाको मृत्यु भएको हो । 

बझाङको सदरमुकाम चैनपुरनजिकै रहेको डुङ्रीबाट मस्टा गाउँपालिका जाँदै गरेको जिप कोटदेवल भन्ने ठाउँमा दुर्घटना भएको हो ।

उद्धारको काम भइरहेकाले मृतकको संख्या बढ्न सक्ने प्रहरीको भनाइ छ । मृतकहरुको पहिचान खुलिसकेको छैन ।  

डिएसपी सुवेदीका अनुसार जिप अफ्ठ्यारो ठाउँमा खसेका कारण उद्धारमा कठिनाइ भएको छ । 

दुर्घटनाको कारण र थप विवरण आउन बाँकी रहेको प्रहरीको भनाइ छ ।