एजेन्सी– चीनको सिचुआन प्रान्तमा गएको भूकम्पका कारण ११ जनाको मृत्यु भएको छ । १ सय २२ भन्दा धेरै घाइते भएका छन् । चीनको भूकम्प केन्द्रका अनुसार यो भूकम्प स्थानीय समयअनुसार सोमबार राती ११ बजे गएको हो । रेक्टर स्केलमा यो भूकम्प ६ म्याग्निच्युड मापन गरिएको छ ।

भूकम्पका कारण २० हजारभन्दा धेरै प्रभावित भएका छन् । भूकम्प आउनुभन्दा एक मिनेट अगाडि नै त्यहाँको चेतावनी प्रणालीले मानिसहरुलाई सजग गराएको थियो । त्यहाँका अधिकारीहरुले ६३ दमक र सयौँ बचावकर्मी भूकम्प प्रभावित क्षेत्रमा पुगेका बताएका छन् ।