काठमाडौं– पाँचतारे होटल हायातमा कार्यरत मजदूरहरु काममा फर्किएका छन् । एक साता यता उनीहरु सेवासुविधाको माग गर्दै हड्तालमा उत्रिएका थिए । 

उनीहरु हड्तालमा उत्रिएपछि होटल बन्द भएको थियो । हड्ताल रोकेर वार्तामार्फत् सहमति निकाल्न श्रम कार्यालयले निर्देशन दिएपछि उनीहरु काममा फर्किएका हुन् । उनीहरु हड्तालमा उत्रिएपछि त्यहाँ भएका गेस्टहरुलाई अरु होटलमा सारिएको थियो । नयाँ बुकिङ लिन छाडिएको थियो । 

अब फेरि होटलले बुकिङ लिन सुरु गरेको जनाएको छ ।