काठमाडौं– संगीतकार हरि लम्सालको ‘सेतो कात्रोमा गोजी हुँदैन’ बोलको गीत लिरिकल भिडियोसहित सार्वजनिक गरिएको छ । 

‘सेतो कात्रोमा गोजी हँदैन’मा स्वर पनि हरि लम्सालकै रहेको छ । गीतमा शब्द कल्पना खरेलको रहेको छ ।

गीतमा मान्छेको जन्मदेखि मृत्युसम्म हुने अनेक कर्मलाई नजिकबाट नियाल्ने प्रयास गरिएको छ । आध्यात्मिक दृष्टिकोणबाट जन्म र मृत्युलाई केलाउन खोजेको यो गीतलाई ‘टुभेल नोट्स’ च्यानलबाट सार्वजनिक गरिएको हो । 

केही महिनाअघि सार्वजनिक भएको उनको गीत ‘परानै दिन्छु’ निकै चर्चित भएको थियो ।