इटहरीका मेयर द्वारिकलालकाे कारवाही माग गर्दै २१ संघसंस्था
फरकधार / १० असार, २०७६

इटहरी–  इटहरीका मेयर द्वारिकलाल चौधरीले महिलालाई अपमान हुने शब्द प्रयोग गरेकाेमा कारवाही हुनु पर्ने माग गर्दै इटहरीका २१ वटा सामाजिक संस्थाले प्रदेशका मुख्यमन्त्री शेरधन राईलाई ज्ञापन पत्र बुझाएका छन् । 

वेश्याबृत्ति नियन्त्रण गर्ने कार्यक्रममा महिलालाई अपमान हुनेगरी शब्द प्रयोग गरेकाे भन्दै चौधरीलाई फौजदारी अपराधमा कारबाही गर्न माग गर्दै समाजिक संस्थाहरुले मुख्यमन्त्री शेरधन राईलाई संयुक्तरुपमा ज्ञापन पत्र बुझाएका हुन् । 

चौधरीले पित्तृसत्तात्मक सोचले ग्रस्त भएर देशको संविधानको मर्म र फौजदारी संहिता बिपरित महिलाहरुलाई अपमानजक गाली गलौज गरेकोले उनलाई कारबाही हुनुपर्ने माग छ । महिला सञ्जाल इटहरी, मानव अधिकार रक्षक परिषद इटहरी, मानव अधिकार रक्षक परिषद एक नम्बर प्रदेश, श्रमिक महिला साझा मञ्च सुनसरीलगायतका संस्थाले सो माग गरेका हुन् ।

मेयर चौधरीले ४ असारमा इटहरी उपमहानगरपालिका १६ र १७ मा आयोजित समाजिक बिकृती नियन्त्रण गर्ने कार्यक्रममा महिला बिरुद्ध आपत्तिजनक शब्द बोलेका थिए । 

उनले केही दिनअगाडि प्रेस विज्ञप्ती जारी गरी माफी समेत मागेका छन् । 

  • प्रकाशित मिति : असार १०, २०७६ बुधबार १:५३:५,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया