बिर्तामोड– असार १५ । धान दिवस तथा रोपाईँ दिवसका रुपमा यो दिनलाई मनाइन्छ । केन्द्रका र प्रदेशका मन्त्रीहरु आज विहानैदेखि धान रोप्न र यो दिवस मनाउन खेतहरुमा पुगेका छन् । 

तर, यही दिनलाई झापाका केही बासिन्दाले विरोध गर्ने दिनका रुपमा लिएका छन् । उनीहरुले लामो समयसम्म भत्किएको सडक नबनाएको भन्दै सडकमा रोपाईं गरेर विरोध गरेका हुन् । 

बिर्तामोडबाट भद्रपुर जानो बाटो बिग्रिएको धेरै भइसकेको तर मर्मत नगरिएको भन्दै स्थानीयले सडकमा धान रोपेका हुन् । धान रोपाईं कार्यक्रम सकिएपछि स्थानीयले त्यहाँ नै बसेर दहीच्युरा पनि खाएका थिए ।