कङ्गोमा शान्ति स्थापनार्थ खटिएका नेपाली शान्ति सैनिकहरूको टोली मंगलबार अदलीबदली भएको छ ।
संयुक्त राष्ट्रसंघीय मिसनमा आफ्नो सफल कार्यकाल पूरा गरी २३८ जना नेपाली शान्ति सैनिकहरू मंगलबार स्वदेश फर्किएका छन् भने सोही संख्याको नयाँ टोली मिसन इलाकातर्फ प्रस्थान गरेको छ ।
मिसनमा कार्यरत श्री चण्डीदल गण (शान्ति सेना) ३१औँ डफ्फा र श्री भीमकाली गुल्म क्युआरएफ (शा.से.) चौथो डफ्फालाई बदली गर्नका लागि श्री रुद्रध्वज गण (शान्ति सेना) ३२औँ डफ्फा र श्री रणशुर गुल्म क्युआरएफ (शा.से.) पाँचौँ डफ्फाका २३८ जना सैनिकहरूको अन्तिम टोली मंगलबार कङ्गो प्रस्थान गरेको छ ।
त्यसैगरी, कङ्गोमा आफ्नो तोकिएको जिम्मेवारी कुशलतापूर्वक सम्पन्न गरी २३८ जना नेपाली शान्ति सैनिकहरू मंगलबारै काठमाण्डु अवतरण गरेका छन् ।
महादेशको द्वन्द्वग्रस्त मुलुक कङ्गोमा शान्ति कायम गर्न नेपाली सेनाले लामो समयदेखि महत्त्वपूर्ण योगदान पुर्याउँदै आएको छ । हाल कङ्गोस्थित संयुक्त राष्ट्रसंघीय मिसनमा नेपाली सेनाका कुल ९६९ जना शान्ति सैनिकहरू कार्यरत रहेका छन् ।
विश्वका विभिन्न द्वन्द्वग्रस्त क्षेत्रमा शान्ति स्थापनाका लागि खटिने नेपाली सैनिकहरूको व्यावसायिकता र अनुशासनको अन्तर्राष्ट्रिय स्तरमै प्रशंसा हुने गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
