Tue, 16 Jul, 2019


विश्वकप क्रिकेटको सेमिफाइनलमा आज भारत–न्युजिल्यान्ड भिड्दै, कसको पल्ला भारी ?
फरकधार / असार २४, २०७६

काठमाडौं– बेलायतमा जारी क्रिकेट विश्वकप २०१९ को आज पहिलो सेमिफाइनल हुँदैछ । पहिलो सेमिफाइनलका लागि अंक तालिकाको शीर्ष स्थानमा रहेको भारत र चौथौं स्थानमा रहेको न्युजिल्यान्डबीच खेल हुँदैछ ।



यी दुई टिम १६ वर्षपछि विश्वकपमा एकअर्कासँग खेल्दैछन् । यसअघि यी दुई टिमबीचको खेल वर्षाका कारण रद्द भएको थियो ।

सन् २००३ को विश्वकपपछि पहिलो पटक आज (मंगलबार) यी दुई टिम मैदानमा उत्रिँदै छन् । यसभन्दा पहिले यी दुई टिमले पछिल्लो एक दिवशीय सिरिज खेलेका थिए । न्युजिल्यान्डमा नै खेलिएको त्यो सिरिजमा भारत ४–१ ले विजयी भएको थियो । 

त्यो सिरिजको कप्तानी चाहिँ भारतीय ब्याट्सम्यान रोहित शर्माले गरेका थिए । 

यतिमात्र होइन, यी दुई देशबीच खेलिएका पछिल्ला सात एक दिवशीय खेलमा भारतले ६ खेलमा जित निकालेको थियो । 

तर, भारत र न्युजिल्यान्डबीच विश्वकपमा भएका खेलमा चाहिँ न्युजिल्यान्ड बलियो देखिँदै आएको छ । 

यी दुई देशबीच अहिलेसम्म विश्वकपमा सात खेलमा प्रतिस्पर्धा भएको छ । तीमध्ये चार खेलमा न्युजिल्यान्डले जित निकालेको छ भने भारतले तीन खेलमा । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्