Tue, 16 Jul, 2019


न्युजिल्यान्डविरुद्धको खेलकाे सुरुमै रोहित, विराट र राहुल आउट भएपछि भारत दबाबमा
फरकधार / असार २५, २०७६

काठमाडौं । न्युजिल्यान्ड र भारतबीच जारी विश्वकप क्रिकेटको सेमिफाइनलमा भारतले खराब सुरुवात गरेको छ । न्युजिल्यान्डले दिएको २ सय ४० रनको लक्ष्य पछ्याउँदै ब्याटिङ गरेको भारत खराब सुरुवातसँगै दबाबमा परेको छ ।  



भारतका आशालाग्दा मुख्य तीन खेलाडी आउट भएका छन् । रोहित शर्मा, कप्तान विराट कोहली र केएल राहुल समान १–१ रनमा आउट भएपछि भारतलाई दबाब परेको हो । 

१.३ ओभरमा रोहित एक रनमा आउट हुँदा भारतको चार रन थियो । दोस्रो विकेटको रुपमा कप्तान विराट आउट हुँदा भारतको पाँच रन थियो । त्यस्तै, ३.१ ओभरमा राहुल आउट भएसँगै भारत दबाबमा परेको हो ।

तीन खेलाडी आउट भएपछि क्रिजमा रिषभ पन्त र दिनेश कार्तिक छन् । यसअघि इंग्ल्यान्डको म्यान्चेस्टरमा न्युजिल्यान्डले निर्धारित ५० ओभरमा ८ विकेटको क्षतिमा २ सय ३९ रन बनाएपछि भारतले मध्यम लक्ष्य पाएको थियो ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्