Sun, 22 Sep, 2019


मलेसियालाई सात विकेटले हरायो नेपालले, पारसको अर्धशतक
फरकधार / असार २८, २०७६

काठमाडौं– मलेसियासँगको दुई दिने टि–२० क्रिकेट सिरिजको पहिलो खेलमा नेपालले मलेसियालाई ७ विकेटले पराजित गरेको छ । नेपालको जितका लागि कप्तान पारस खड्काले अर्धशतक प्रहार गरे । 



मलेसियाले दिएको १ सय २९ रनको लक्ष्य लिएर मैदानमा उत्रिएको नेपालले १८ ओभरमा नै लक्ष्य भेट्ट्यायो । यसका लागि कप्तान पारस खड्काको अविजित ८६ रनको महत्वपूर्ण योगदान रह्यो । पारसले ५० बलमा ८ चौका र ५ छक्काको सहायतमा यो योगफल तयार पारेका हुन् । 

मलेसियाले यो खेलको सुरुवातमा खासै राम्रो गर्न सकेन । उसका चार ब्याट्सम्यान शून्य रनमा पेभेलियन फर्किए । नेपालका करण केसीले ३, सन्दीप लामिछाने र वसन्त रेग्मीले २–२ विकेट लिए । सोमपाल कामीले एक विकेट लिए । 

नेपालले पनि सुरुवाती चरणमा राम्रो गर्न सकेन । नेपालका ज्ञानेन्द्र मल्ल ७ रन, रोहित पौडेल ५ रन बनाएर पेभेलियन फर्किएका थिए । 

नेपालले दोस्रो खेल मलेसियासँग आइतबार खेल्दैछ । ६ साउनदेखि सिंगापुरमा हुने टि–२० विश्वकप छनोट खेल्न नेपाल मलेसिया पुगेको हो । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्