Sat, 24 Aug, 2019


फेसबुकलाई पाँच अर्ब डलर जरिवाना
फरकधार / असार २८, २०७६

एजेन्सी– अमेरिकी नियामकहरुले फेसबुकमाथि पाँच अर्ब डलर जरिवाना लगाउन अनुमति दिएका छन् । 



अमेरिकी मिडियामा छापिएको समाचारअनुसार यो जरिवाना सामाजिक सन्जाल कम्पनीको विरुद्ध डाटा गोपनीयता उल्लंघन गरेको आरोपमा चलिरहेको छानबिनपछि लगाइएको हो । 

संघीय व्यापार आयोगले यस विषयमा अनुसन्धान गरिरहेको थियो । यो विषय भनेको राजनीतिक परामर्शको कम्पनी क्याम्ब्रिज एनालाइटिकालाई गलत तरिकाले फेसबुकका ८ करोड प्रयोगकर्ताको डाटा दिइएको बारे हो । 

अमेरिकी मिडियालाई स्रोतले बताएअनुसार फेसबुकमाथि जरिवाना लगाउन अनुमति दिइएको छ । 

तर, यो जरिवानाको अनुमान यसअघि फेसबुकले लगाइसकेको थियो । 

क्याम्ब्रिज एनालाइटिका एउटा बेलायती राजनीतिक परामर्शदाता कम्पनी हो । यसले करोडौं फेसबुक प्रयोगकर्ताको डाटा लिएको र त्यसको प्रयोग अमेरिकी राष्ट्रपति चुनावमा गरेको र डोनाल्ड ट्रम्पलाई त्यसले फाइदा पुगेको आरोप लगाइएको थियो ।

कम्पनीले डाटा लिएर मतदातालाई प्रभावित गरेको आरोप लगाइएको थियो ।


यो सामाग्री सेयर गर्नुहोस्


यो पनि नछुटाउनुहोस्