एजेन्सी– बलिउड अभिनेता साहरुख खानलाई पाँचौ पटक मानार्थ पिएचडी दिन लागिएको छ । 

यो उपाधि उनलाई ला टर्ब विश्वविद्यालयले दिन लागेको हो । यो उपाधि उनले गरिब बालबालिकालाई सहयोग गरेको, महिला सशक्तिकरणमा विशेष भूमिका निर्वाह गरेको तथा मनोरन्जनको क्षेत्रमा दिएको योगदानका कारण दिन लागिएको हो । 

साहरुखले मीर फाउन्डेसनको नामबाट यस्ता परोपकारी काम गर्दै आएका छन् । उनले यसको नाम आफ्नो पिताको नाममा राखेका हुन् । 

यो सम्मानको घोषणापछि साहरुख खानले एउटा स्टेटमेन्ट जारी गरेका छन्– यति ठूलो विश्वविद्यालयको हातबाट सम्मानित हुन पाउनु मेरालागि गर्वको कुरा हो ।