एजेन्सी– बलिउड अभिनेत्री इशा गुप्तालाई सबैले बोल्ड अभिनेत्री भन्छन् । उनी पनि आफ्ना कुरा निकै निर्धक्क भएर राख्छिन् । 

केही अघि उनले ट्विटरमा यस्तै एउटा विषयमा लेखिन् । उनले एक कार्यक्रममा आफूलाई आँखाले घुरेर हेरेको भन्दै एक व्यक्तिमाथि कारवाही हुनु पर्ने माग राखेकी थिइन् । त्यसका लागि उनले ट्विटरमा ती व्यक्तिको तस्वीर पनि राखेकी थिइन् । यो ६ जुलाईको कुरा थियो । उनले आफूमाथि छोएर नभइकनै दुव्र्यवहार भएको भन्दै ती व्यक्तिमाथि मिटू भन्दै आरोप लगाएकी थिइन् ।

तर, अब इशाले जो व्यक्तिलाई यस्तो आरोप लगाएकी थिइन्, तिनै व्यक्तिले इशामाथि उजुरी दिएका छन् । उनले इशाले गर्दा आफ्नो मानहानी भएको आरोप लगाएका छन् । उनले अनाहकमा आफ्नो तस्वीर राखेर इशाले दुःख दिएको, आफ्नो मानहानी गरेको आरोप लगाएका छन् । ती व्यक्ति चाहिँ दिल्लीका एक व्यवसायी रहेछन् ।