बेइजिङ– विश्वका दुई ठूला अर्थतन्त्र भएका मुलुक चीन र अमेरिकाबीच व्यापार युद्ध समाप्त गर्ने विषयमा मंगलबार पुनः वार्ता हुने भएको छ । 

यसअघि दुई महिना अगाडि भएको पहल विफल भएपछि मंगलबार फेरि दुई पक्षबीच व्यापार युद्ध समाप्त गर्ने विषयमा वार्ता हुन लागेको हो ।
 
चीनको प्रविधि कम्पनी हुवावेमाथि अमेरिकाले प्रतिबन्ध लगाएपछि दुई देशबीच तनाव बढेको थियो । उत्पन्न तनावका कारण दुई देशबीच  व्यापारमा निकै परेको छ ।  

मंगलबार र बुधबार सांघाईमा हुने वार्तामा अमेरिकाका तर्फबाट वित्तमन्त्री स्टिवन म्नुचिन र व्यापार प्रतिनिधि रोबर्ट लाइटाइजरले प्रतिनिधित्व गर्नेछन् । वार्ताम चीनका तर्फबाट कसलाई प्रतिनिधित्व गराउने भन्नेबारे खुलाइएको छ । 
 
गत जुन महिनामा अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबीच पसनः वार्ता सुरु गर्नेबारेमा सम्झौता भएको थियो ।