काठमाडौं– भक्तपुरमा मंगलबार एक जोडी प्रेमी–प्रेमिकाले आत्महत्या गरेका छन् । महानगरीय प्रहरी वृत्त थिमीका अनुसार बोडेमा बस्दै आएका सिन्धुपाल्चोक बाह्रबिसेका २१ वर्षीय जीवन तामाङ र रामेछापकी १८ वर्षकी मंगली घिसिङले कोठामा झुन्डिएर आत्महत्या गरेका हुन् । 

जीवन विवाहित पुरुष हुन् । उनकी दुई वर्षकी एक छोरी र श्रीमती छन् । मंगलीसँगको प्रेम सम्बन्ध थाहा पाएपछि श्रीमती रितु तामाङले प्रहरीमा उजुरी दिएकी थिइन् । रितुको उजुरीकै आधारमा श्रीमान–श्रीमतीबीच मिलापत्र भई श्रीमती र छोरीसँग मिलेर बस्ने सहमति उनीहरुले गरेका थिए । 

सवारी चालक रहेका जीवन र प्रेमिका घिसिङको शव पोस्टमार्टमका लागि त्रिवि शिक्षण अस्पताल पठाएको र अनुसन्धान जारी रहेको भक्तपुर प्रहरीले जनाएको छ ।