काठमाडौं– सरकारले चालू आर्थिक वर्षका लागि घोषित बजेटमा युवालाई नेपालमै रोजगारी दिने घोषणा गरेको थियो । सो योजनाअनुसार प्रधानमन्त्री रोजगार कार्यक्रम लागू गरेको थियो । 

जसअन्तर्गत हालसम्म ५ सय ९९ स्थानीय तहले ६ हजार ८ सय ६४ सामुदायिक आयोजनामा १ लाख ७५ हजार ९ सय ९ जनालाई रोजगारी दिएको श्रम, रोजगार तथा सामाजिक सुरक्षा मन्त्रालयले दाबी गरेको छ । 

सोकार्यक्रममा सहभागी मजदुरहरुले २२ लाख २२ हजार २ सय ६९ दिनको रोजगारी पाएको मन्त्रालयले जानकारी गराएको छ । औसतमा एकजनाले १३ दिनको रोजगारी पाएको मन्त्रालयले जनाएको छ ।

सरकारले प्रधानमन्त्री रोजगार कार्यक्रम भन्दै युवाहरूलाई झार उखेल्ने, मकै गोड्ने, बाटो सफा गर्नेलगायत काम लगाएर राज्यको ढुकुटी मात्रै दोहन गरेको भन्दै आलोचना खेप्दै आएको छ ।