एजेन्सी– पछिल्लो समय भारतले आफ्नो संविधानको अनुच्छेद ३७० हटाएपछि जम्मुकश्मिरमा तनाव बढिरहेको छ । त्यसो त भारतीय प्रधानमन्त्रीले यो कदम कश्मिरका लागि गरेको बताएका थिए । उनले आफ्नो सम्बोधनमा फिल्मी क्षेत्रलाई पनि समेटेका थिए । 

उनले धेरै जनालाई फिल्मको सुटिङ जम्मुकश्मिरमा जारी राख्न अनुरोध गरेका थिए । ‘अब कश्मिरको अवस्था सामान्य भइसकेको छ, फिल्महरुको सुटिङ सुरु गर्दा हुन्छ,’ उनले भनेका थिए, ‘प्रत्येक फिल्मले कश्मिरका जनतालाई रोजगारको अवसर हुनेछ ।’

तर, वास्तविकता उनले भनेजस्तो छैन । पछिल्लो समय जम्मु कश्मिरमा सबै फिल्महरुको सुटिङ रोकिएको छ । 

‘अहिले त्यहाँ सुटिङ गर्नु सुरक्षित छैन,’ निर्देशक महेश भट्टले भनेका छन्, ‘बरु यसअघि गर्ने भनिएका फिल्मको सुटिङ पनि रोकिनेछ ।’