Sat, 24 Aug, 2019


अमेरिकाले दिएन सन्दीप लामिछानेलाई भिसा
फरकधार / साउन २८, २०७६

काठमाडौं– नेपालका लेग स्पिनर सन्दीप लामिछानेलाई अमेरिकाले भिसा दिन अस्वीकार गरेको छ । 



सन्दीप स्वयंले माइक्रो ब्लगिङ साइट ट्विटरमा दिएको सूचना अनुसार उनी आज (मंगलबार) भिसा लिनका लागि दूतावासमा पुगेका थिए ।

‘आज म अमेरिकी दूतावास पुगेँ, सिपिएलका लागि अमेरिका जानु पर्ने भएकाले आवेदन दिन गएको थिएँ,’ सन्दीपले ट्विटरमा लेखेका छन्, ‘मलाई मेरो भिसा रिजेक्ट हुँदा ठूलो आश्चर्य लागेको छ ।’

सन्दीपले ट्विटरमा आफूसँग पर्याप्त र आवश्यक सबै कागजपत्र भएपनि दूतावासमा भिसा अस्वीकार गरिएको भन्दै प्रधानमन्त्री, परराष्ट्रमन्त्रीलगायतलाई ट्विटरमा मेन्सनसमेत गरेका छन् । 

 



यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्