भरतपुर– नवलपरासीको अरुणखोलामा पुल भाँचिएको छ । ट्रकले ठक्कर दिँदा भाँचिएको पुलका कारण पूर्वपश्चिम राजमार्ग अवरुद्ध भएको छ । 

नवलपरासीको मध्यविन्दु नगरपालिकाको अरुण खोलामा पर्ने पुल बुधबार भाँचिएको हो । जिल्ला प्रहरी कार्यालय नवलपरासी पूर्वका अनुसार पूर्वबाट पश्चिम जाँदै गरेको ना ६ ख ४७१ नम्बरको ट्रक पुलमा ठोक्किएको हो । 

पुल दुई मिटर तल लच्किएको र त्यहाँबाट ठूला सवारीसाधान आवतजावत गर्न समस्या भएको प्रहरीले जनाएको छ । 

प्रहरीले पुलमा अड्किएको ट्रक निकाल्न सुरु गरिसकेको छ । तर, ट्रक निकाले पनि पुल भाँसिएकाले त्यहाँबाट ठूला सवारी साधन आवतजावतमा समस्या पर्न सक्ने बताइएको छ ।