काठमाडौं– नेपाली महिला फुटबल टिम किर्गिस्तानमा प्रतियोगिता खेल्न जाने भएको छ । आगामी डिसेम्बरमा हुने दक्षिण एसियाली खेलकुदको तयारीका लागि नेपाली महिला फुटबल टिम किर्गिस्तान जान लागेको हो ।
नेपाली महिला फुटबल टिमले किर्गिस्तानको काराकोल सहरमा हुने नादेज्दा कपमा प्रतिस्पर्धा गर्नेछ । नादेज्दा कप आगामी सेप्टेम्बरको ८ देखि १२ तारिखसम्म हुनेछ ।
आयोजकले जनाएअनुसार प्रतियोगिता फुटबलको अन्तर्राष्ट्रिय नियममा रहेर हुनेछ । प्रतियोगितामा नेपाललगायत उज्वेकिस्तान, ताजस्कितान र किर्गिजस्तान रहनेछन् ।
प्रतियोगितामा हरेक टिमले ३ खेल खेल्नेछ । प्रतियोगितामा सहभागी सबै टिमले एक–अर्काविरुद्ध एक–एक खेल खेल्नेछन् ।
सोही खेलमा पाएको अंकका आधारमा पहिलो र दोस्रो हुने टिमले कपका लागि प्रतिस्पर्धा गर्नेछन् ।
खेल तालिका
सेप्टेम्बर ८ – गणतान्त्रिक किर्गिज भर्सेज नेपाल
सेप्टेम्बर ९– उज्वेकिस्तान भर्सेज नेपाल
सेप्टेम्बर १०– नेपाल भर्सेज ताजकिस्तान
सेप्टेम्बर १२– तेस्रो भर्सेज चौथो
सेप्टेम्बर १२– पहिलो भर्सेज दोस्रो
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
