काठमाडौं– पत्रकार शालिकराम पुडासैनीको को मृत्यु हत्या नभएर आत्महत्या भएको अदालतले औपचारिक रुपमा स्विकारेको छ । सो आत्महत्याको दुरुत्साहन अभियोगमा थुनामा रहेका रवि लामिछानेका तर्फबाट बहस गरेका अधिवक्ता स्वागत नेपालले यसबारे जानकारी दिएका हुन् ।
दुरुत्साहन अभियोगको मुद्दामा जिल्ला अदालत चितवनमा थुनछेक बहस चलिरहेको छ । सुरुमा सरकारी वकिलको बहस सकिएपछि लामिछाने र कँडेल तर्फका कानुन व्यवसायीको बहस जारी छ ।
आफ्नो तर्फबाट बहस सकेर निस्केका स्वागत नेपालले ट्विट गर्दै अदालतले पुडासैनीको मृत्यु आत्महत्याबाट भएको भन्ने स्वीकार गरको जानकारी दिएका हुन् ।
थुनछेकको बहस सकिएपछि मात्रै रविलगायतलाई पुर्पक्षका लागि थुनामा राख्ने वा साधारण तारेखमा छाड्ने भन्नेबारे आदेश हुनेछ । तर, बहस अझै लम्बिने सम्भावना रहेकाले अन्तिम निर्णय आउन मंगलबारसम्म कुर्नुपर्ने देखिएको छ ।
पुडासैनी प्रकरणमा अाजदेखि हत्या कि अात्महत्या भन्नेे प्रश्न अन्त्य भएकाे छ, अदालतले पनि अाैपचारिक रुपमा अात्महत्या नै मानिसकेकाे छ । अाफ्नाे वहसकाे निष्कर्शम अदालत पनि प्रष्ट भएपछि म बहस सकेर निस्किएकाे छु, बाँकी केही समयपछि अादेश अाउनेछ तर त्याे अन्तिम भने हुने छैन...H
— Swagat Nepal (@SwagatNepal) August 26, 2019
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।