काठमाडौं– सरकारले यस वर्षको संविधान दिवस विशेष किसिमले मनाउने तयारी गरेको छ । सोही सिलसिलामा सञ्चार तथा सूचना प्रविधिमन्त्री गोकुल बाँस्कोटाले संविधान दिवस भव्यताका साथ मनाउनका लागि सबैलाई आग्रह गरेका छन् ।
बुधबार सञ्चार मन्त्रालयमा आयोजित छलफल कार्यक्रममा बोल्दै उनले सरकारले संविधान दिवस भव्यताका साथ मनाउनका लागि सार्वजनिक बिदा दिएको र सबैको अर्थपूर्ण सहभागिताको अपेक्षा गरेको बताए । संविधान दिवस असोज ३ गते मनाइँदै छ ।
मन्त्री बाँस्कोटाले भने, ‘त्यो दिन तास खेल्नका निम्ति, पिकनिक खानका निम्ति, बियर खानका निम्ति, गर्लफ्रेन्ड लिएर हिँड्नका निम्ति, ब्वाइफ्रेन्ड भेट्न जानका निम्ति दिइएको होइन । फाइनल कुरा यही हो, सीधा सीधा, राष्ट्रिय दिवस नै मनाउन दिएको हो ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।