एजेन्सी– फ्रान्सको एउटा क्लबमा आजदेखि रोबोट पोल डान्स देखाइने भएको छ । यो नाच एउटा रोबोटले गर्ने नाच हो, जसलाई त्यो क्लबले आजबाट प्रदर्शनीमा राख्ने बताएको छ । 

क्लबका मालिकले यसका लागि दुई रोबोट प्रयोग भएको र उनीहरुले हिल जुत्ता लगाएर डान्स गर्ने बताएका छन् । यी रोबोटको टाउकोमा एउटा क्यामेरा पनि जडान गरिएको छ, त्यसबाट उनीहरुले अगाडि बसेका दर्शकको हाउभाउ बुझ्न पाउनेछन् । 

यो क्लब खुलेको पाँच वर्ष भएको उपलक्ष्यमा यो रोबोट ल्याइएको हो । रोबोटिक पोल डान्सका लागि बेलायतको एक कम्पनीले रोबोट तयार पारेको हो । तर, रोबोटको डान्स देखाए पनि त्यहाँ नाच्ने अन्य युवतीहरुले त्यसले आफ्नो काममा कुनै असर नपर्ने बताएका छन् ।