वीरगञ्ज– वीरगन्ज महानगरपालिकामा एक १६ वर्षीया किशोरीमाथि शुक्रबार विहान एसिड प्रहार भएको छ । 

त्रिभुवन हनुमान मावि कक्षा ९ मा पढ्ने १५ वर्षीया मुस्कान खातुनमाथि एसिड प्रहार भएको हो । उनी विद्यालय जाँदै गरेको समयमा गणेशमान चोकमा एसिड प्रहार भएको स्थानीय पत्रकार शंकर आचार्यले फरक धारलाई बताए । कान्तिपुरका वीरगञ्ज संवाददाता आचार्यका अनुसार एसिड प्रहारका कारण खातुनको अनुहार, छाती तथा हात जलेको प्रहरीले जनाएको छ ।

प्रहरीले एसिड प्रहार गरेका एक व्यक्तिलाई नियन्त्रणमा पनि लिएको छ । प्रहरीले घटनाबारे अनुसन्धान सुरु भएको र फरार एक जनालाई खोज्ने कार्य तीव्र गतिमा भएको जनाएको छ ।