भरतपुर— नेत्रविक्रम चन्द विप्लवका छोरा प्रकाश चन्दसहित पक्राउ परेका १५ विद्यार्थीलाई प्रहरीले छोडेको छ । 

भरतपुरमा रहेको चितवन मेडिकल कलेजमा आन्दोलनरत उनीहरुलाई बुधबार प्रहरीले पक्राउ गरेको थियो । 

अस्पतालभित्र हुलहुज्जत गर्न खोजेको र आन्दोलन गरेको भन्दै प्रहरीले उनीहरुलाई नियन्त्रणमा लिएको थियो । ती विद्यार्थीलाई नियन्त्रणमा लिँदा विद्यार्थीहरुसँग प्रहरीको भिडन्त भएको थियो । त्यसक्रममा केही विद्यार्थी घाइतेसमेत भएका थिए ।