बैतडी– ग्रामीण तथा दुर्गम स्थानहरुका साथसाथै सहरी क्षेत्रमा समेत आफ्नो उपस्थिति थप बलियो बनाउँदै गएको बैंक एनआइसी एशिया बैंकले बैतडीको पाटनमा नयाँ शाखा सन्चालनमा ल्याएको छ ।
बैतडी जिल्ला पाटन नगरपालिका वडा नं ६ स्थित पाटन शाखा २६ भदौदेखि सन्चालनमा आएको हो । बैंकले सञ्चालनमा ल्याएको पाटन शाखाकोे समुद्घाटन पाटन नगरपालिकाका मेयर केशव बहादुर चन्दले गरेका हुन् । यो शाखा सञ्चालनमा आएसँगै बैतडी क्षेत्रका ग्राहक महानुभावहरुलाई यस बैंकको सेवा प्राप्त गर्न थप सहज हुने विश्वास बैंकले लिएको छ ।
योसँगै बैंकले मुलुकभर २९८ शाखा कार्यालय, ३५५ एटिएम, ५८ वटा एक्स्टेन्सन काउण्टर एवं ४१ वटा शाखारहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।