काठमाडौं— भारत र दक्षिण अफ्रिकाबीच टी–२० खेल आज मोहालीमा हुँदै छ । यो खेल नेपाली समय अनुसार साँझ सवा सातमा सुरु हुनेछ ।
यी दुई देशबीचको सिरिजको पहिलो खेल वर्षाका कारण रोकिएको थियो । यदि आज खेल भएको खण्डमा दक्षिण अफ्रिकाका क्वान्ट डी ककका लागि विशेष खेल हुनेछ । किनकि उनी आज यही खेलबाट अफ्रिकाको कप्तानका रुपमा डेब्यू गर्दै छन् ।
मोहालीमा भएका पछिल्ला १४ खेललाई हेर्ने हो भने भारतले ८ खेलमा जित हासिल गरेको छ । पाँच खेलमा उसले हार व्यहोरेको छ भने एक खेल विनानतिजा टुङ्गिएको छ ।
भारत र दक्षिण अफ्रिकाबीच आहिलेसम्म १३ वटा खेल भएकोमा भारतले ८ र दक्षिण अफ्रिकाले पाँच खेलमा जित हासिल गरेका छन् । यसअघि मोहालीमा भएका दुवै खेलमा भारतले जित निकालेको छ भने दक्षिण अफ्रिकाले पनि भारतसँग खेलेका पछिल्ला दुवै खेल जितेको छ । त्यसैले यो आँकडा हेर्दा कुनै न कुनै रेकर्ड पक्कै तोडिनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।