Fri, 06 Dec, 2019


फिफा वरीयतामा नेपालकाे सुधार
फरकधार / असोज २, २०७६

काठमाडौं– विश्व फुटबलको सर्वोच्च निकाय (फिफा) वरीयतामा नेपालले पाँच स्थान सुधार गरेको छ । फिफाले बिहीबार सार्वजनिक गरेको नयाँ वरीयतामा नेपालले पाँच स्थान सुधार गर्दै १६१औँ  स्थानमा उक्लिएको हो । यसअघि नेपाल १६६औँ स्थानमा रहेको थियो ।
     
दक्षिण एसियाको वरीयतामा भने नेपाल तेस्रो स्थानमा रहेको छ । नेपालभन्दा माथि रहेको भारत १०४औँ स्थानमा छ भने माल्दिभ्स १५३औँ स्थानमा छ । 



त्यसैगरी, नेपालभन्दा तल रहेको भूटान १८५औँ स्थानमा रहँदा ब‌गलादेश १८७औँ स्थानमा छ । श्रीलंका २०२औँ स्थानमा छ भने पाकिस्तान २०३औँ स्थानमा रहेको छ । विश्व वरीयताको शीर्ष स्थानमा बेल्जियम रहेको छ भने फ्रान्स दोस्रो र ब्राजिल तेस्रो स्थानमा छ । 

त्यसैगरी, इङ्ग्ल्यान्ड चौथो, पोर्चुगल पाँचौँ, उरुग्वे छैटौँ, स्पेन सातौँ, क्रोएसिया आठौँ, कोलम्बिया नवौँ र अर्जेन्टिना दशौँ स्थानमा रहेका छन् । 


यो सामाग्री सेयर गर्नुहोस्


यो पनि नछुटाउनुहोस्