एजेन्सी– पछिल्लो समय भारतमा स्याउको मूल्यमा निकै ठूलो गिरावट आएको छ । १५ दिनयता भारतमा एक किलो स्याउमा ८० रुपैयाँ मूल्य घटेको छ । केहीअघिसम्म १२० रुपैयाँमा बिक्री भइरहेको स्याउको अहिले बढीमा ६० रुपैयाँ पर्न थालेको छ । 

अर्कोतिर, भारतमा प्याजको भाउ चाहिँ बढिरहेको छ । केही समयअघिसम्म ३० रुपैयाँमा बिक्री हुने एक किलो प्याजको मूल्य अब ८० रुपैयाँसम्म पुगेको छ । 

पछिल्लो समय लगातार परिरहेको पानीका कारण प्याजको आपूर्तिमा कमी भएकाले यसको भाउ बढिरहेको त्यहाँका अधिकारीहरुले जनाएका छन् । उनीहरुले केही दिनमा नै प्याजको भाउ ९० रुपैयाँसम्म पुग्नसक्ने अनुमान गरेका छन् ।