नयाँ दिल्ली– भारतीय गुप्तचर विभाग ‘रअ’ले जम्मु–कस्मिरमा हिंसा फैलाउन पाकिस्तानी सेनाले आफगानी आतंककारीहरु भर्ती गरिरहेको भन्दै अलर्ट जारी गरेको भारतीय मिडियाले बताएका छन् ।
रअको अलर्ट भन्दै आएको मिडिया रिपोर्टअनुसार, पाक सेनाले ६० अफगानी आतंककारी भर्ती गरेको छ । पाकिस्तानी गुप्तचर एजेन्जी आइएसआईले अफगानी आतंककारीलाई पख्तुनख्वा भन्ने ठाउँमा ट्रेनिङ दिइरहेको छ । उनीहरुलाई भरत–पाक नियन्त्रण रेखा एलओसीबाट स–सानो समूहमा २४ देखि ४८ घन्टाभित्र घुसपैठ गराउने कोसिस हुनेछ । यी सबैले जम्मु–कस्मिर र पन्जाबमा आत्मघाती हमला गर्न सक्छन् ।
यसअघि, भारतको पन्जाब प्रहरीले ९ देखि १६ सेप्टेम्बरभित्र पाकिस्तानबाट पन्जाब र जम्मु–कस्मिरमा ८ चिनियाँ ड्रोन र ८० किलो विस्फोटक पदार्थ पठाइएको बताएको थियो । पाकिस्तानी आतंककारी संगठनहरु जम्मु–कस्मिरमा ठूलो हिंसाको षड्यन्त्र रचिरहेका भन्दै उसले पन्जाबमा पनि केजेडएफ भन्ने आतंककारी संगठन पुरानो हिंसा फेरि स्थापित गर्ने कोसिसमा रहेको बताएको थियो ।
२२ सेप्टेम्बरमा पन्जाबको तरनतारनबाट भारी मात्रामा हातहतियार र विस्फोटक पदार्थसहित ४ आतंककारी पक्राउ परेका थिए । उनीहरुसँगको अनुसन्धानपछि पन्जाब प्रहरीले यस्तो निष्कर्ष दिएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।