एजेन्सी— पछिल्ला केही दिनयता समाचारहरुमा बलिउड अभिनेता सन्जय दत्त र उनकी छोरी त्रिशालाबीच झगडा परेका विषयमा निकै धेरै चर्चा भएको थियो । 

तर, यो हल्लामात्र रहेछ । यसलाई स्वयं सन्जयकी छोरी त्रिशालाले प्रष्टीकरण दिएकी छिन् । उनले भनेकी छिन्, ‘यो सबै अफवाह हो ।’ उनले सामाजिक सन्जाल इन्स्टाग्राममा आफ्ना प्रशंसकसँग कुराकानी गर्दै यस्तो लेखेकी हुन् । उनलाई एक प्रशंसकले सोधेका थिए– के तिम्रो बाबुसँग झगडा परेको हो ? 

उनले त्यसको जवाफ दिएकी छिन्– तपाईंहरु मिडियामा आउने झुठा खबरको विश्वास नगर्नुहोस्, यो किन फैलियो भन्ने मलाई थाहा छैन । तर, यसमा कुनै सत्यता छैन । सन्जय दत्तको फिल्म प्रस्थानम अहिले हलहरुमा लागिरहेको छ । तर, यो फिल्मले भारतीय बक्स अफिसमा खासै राम्रो गर्न सकेन ।