एजेन्सी— गायक जस्टिन बिबर संगीतको दुनियाँमा जति चर्चित भए, त्यति आफ्नो व्यक्तिगत जीवनमा सफल हुन सकेका छैनन् ।

उनले त फेरि एक पटक विवाह गरेका छन् । तर, नझुक्किनुस्, यो विवाह उनले गत वर्ष विवाह गरेकी मोडल हेली बाल्डविनसँग नै गरेका हुन् । गत वर्ष चाहिँ यो जोडीले यो विवाह गुपचुप गरेका थिए । पिपुलडटकमका अनुसार यो जोडीले सोमबार परिवारका सदस्यको उपस्थितिमा विवाह गरेका हुन् ।

यो विवाहको कार्यक्रम दक्षिण क्यारोलिनमा रहेको पाँच तारे होटलमा आयोजना गरिएको थियो । जस्टिन र हेलीले आफ्नो विवाहका लागि १ सय ५४ जनालाई बोलाएका थिए ।