एजेन्सी– बलिउड अभिनेत्री प्रियंका चोपडा फिल्म स्काइ इज पिंकको प्रमोसन सकेर अमेरिका फर्किएकी छिन् । उनले विवाह गरेको अब एक वर्ष पुग्न लागेको छ । उनको विवाह गत वर्ष १ डिसेम्बरमा भएको थियो । त्यसैले पहिलो एनिभर्सरी मनाउन उनी भारतबाट अमेरिका फर्किएकी हुन् । 

‘हाम्रो पहिलो एनिभर्सरी मनाउने कुनै योजना बनिसकेको छैन,’ प्रियंकाले भारतीय मिडियाहरुमा भनेकी थिइन् ।’ योसँगै उनले थपेकी पनि थिइन्, ‘तर निकले कुनै योजना बनाएका पक्कै छन् । मैले उनलाई यसबारे सोधेको थिएँ, उनले यसबारे नभन्ने र सरप्राइज दिने बताएका छन् ।’

प्रियंका र निकको विवाह ३ दिनसम्म चलेको थियो । निक जोनससँग प्रियंकाको विवाहले गत वर्ष निकै ठूलो चर्चा पनि कमाएको थियो ।