एजेन्सी– भारतको राजधानी नयाँ दिल्लीमा शनिबार प्रधानमन्त्री नरेन्द्र मोदीकी भतिजी दमयन्ती मोदीको झोला लुटिएको छ । उनको झोलामा रहेको पर्समा ५६ हजार भारतीय रुपैयाँ, प्यान कार्ड तथा अन्य विभिन्न डकुमेन्ट्स भएको बताइएको छ । 

प्रहरीले यो विषयमा अनुसन्धान सुरु गरेको छ । स्कुटरमा आएका दुई जनाले प्रधानमन्त्रीकी भतिजीको झोला लुटेका थिए । 

यसअघि प्रधानमन्त्री नरेन्द्र मोदीका भाइ प्रह्लाद मोदीको पनि दिल्लीमा नै ३० हजार रुपैयाँ लुटिएको थियो । आफ्नी छोरी लुटिएपछि प्रह्लाद मोदीले आफ्नो परिवारको सुरक्षाको विषयमा चिन्ता जनाएको बिबिसीको हिन्दी संस्करणले लेखेको छ ।

दिल्लीमा दैनिक १८ भन्दा बढी यस्ता लुटपाटका घटना हुने एक आँकडाले देखाएको छ । यो घटनापछि प्रह्लाद मोदीले चाहिँ आफूहरु निकै असुरक्षित भएको बताएका छन् ।