एजेन्सी— पछिल्लो समय बलिउडमा निकै चर्चामा छ, एउटा प्रसंग । प्रसंग हो, अभिनेत्री क्याट्रिना कैफ र विक्की कौशलको सम्बन्धको । उनीहरु दुई जना प्रेममा रहेको धेरैले अनुमान गरेका छन् । तर, यो कति साँचो हो त ? 

भारतीय पत्रिका इन्डिया टुडेले आयोजना गरेको कन्क्लेभमा विक्कीले यसबारे बताएका छन् । उनले समाचारमा आमाले क्याट्रिनासँग अफेयरमा भएको कुरा पढ्दा दिएको प्रतिक्रियाबारे पनि बताएका छन् । 

उनले क्याट्रिनासँगको सम्बन्धबारे चलेका हल्लाहरुलाई पूर्णविराम लगाउँदै भनेका छन्– यो सब अफवाह हो । ‘हामी दुई फिल्म क्षेत्रमा काम गर्छौँ, एक अर्कालाई चिन्छौँ,’ उनले भनेका छन्, ‘तर, जब विहान उठेर मैले यो विषयमा बनेका समाचार पढेँ, म आफैं अचम्ममा परेँ । मैले यो समाचार पढ्दा बुबाआमा सँगै हुनुहुन्थ्यो ।’ उनले थपेका छन्— मैले उहाँहरुलाई पनि भनेँ, यो सब अफवाह हो ।