इस्लामाबाद– सोमबार पाकिस्तानको खैबर पख्तुनख्वा प्रान्तमा ५.८ रेक्टर स्केलको भूकम्प गएको छ । 

छिमेकी अफगानिस्तानको हिन्दूकुश पहाडलाई केन्द्रविन्दु बनाएर भूकम्प गएको पाकिस्तानको मौसम विभागले पुष्टि गरेको छ । भूकम्प पृथ्वीको सतहदेखि एक सय ५७ किलोमिटर तल गएको बताइएको छ ।

यसअघि सेप्टेम्बर २४ मा पाकिस्तान नियन्त्रित कास्मिर, पञ्जाब र खैबर पख्तुनख्वालगायत भेगमा गएको भूकम्पमा परी ४० जनाको मृत्यु भएको थियो ।