एजेन्सी– बलिउडमा खास पहिचान बनाएका छन्, अभिनेता तथा गायक आयुष्मान खुरानाले । उनले गत वर्षका लागि एकेडेमी अर्वाड्स पनि जिते । अनि उनलाई निकै मन पराएका छन्, बलिउडका चलचित्रलाई नछुटाउनेहरुले । 

अब तिनै आयुष्मान खुरानाले आफ्नो पारिश्रमिक ५ सय प्रतिशत बढाएको बताएका छन् । उनले अन्धाधुन र बधाई हो फिल्ममा कामगर्दा पनि आफ्नो पारिश्रमिक तीन गुणा बढाएका थिए । अब ड्रिम गर्ल फिल्मको सफलताका कारण उनले आफ्नो पारिश्रमिक ५ सय प्रतिशत बढाउने भएका हुन् । 

यसअघि उनले २ करोड रुपैयाँ पारिश्रमिकका रुपमा लिँदै आएका थिए । अब उनको यो पारिश्रमिक १० करोड हुनेछ । सन् २०१७ बाट चम्किएका आयुष्मानले पारिश्रमिक बढाउने निर्णयलाई भारतीय मिडियाले चाहिँ सकारात्मक रुपमा नै लिएका छन् ।