एजेन्सी– बलिउड अभिनेत्री आलिया भट्ट आफूले बोलेका शब्दहरुका कारण बारम्बार विवादमा मुछिइरहन्छिन् । कुनै समय भारतीय प्रधानमन्त्रीको नामसमेत थाहा नपाएर ट्रोलको शिकार भएकी आलिया यसपटक निर्माता करण जौहरको सोमा चिप्लिएकी हुन् । 

एउटा कार्यक्रममा आलिया र करिना कपुर करणसँग कुराकानी गर्दै थिए । त्यही कार्यक्रममा करणले सोधेको एक प्रश्नमा आलियाले करिनाको प्रशंसा गर्न सुरु गरिन् । बोल्दै जाँदा उनले अश्लिल शब्द पनि फ्याट्टै भनिदिइन् । 

उनले त्यसरी अश्लिल शब्द बोलेपछि करिनाले त्यसलाई महसुस गरिहालिन् । करणले पनि त्यसको महसुस गरे । त्यसपछि बल्ल आलियालाई थाहा भयो कि उनी के बोल्दै थिइन् । यो कार्यक्रम प्रसारण पनि भयो । अनि त उनको ट्रोल हुन सुरु भइहाल्यो ।