काठमाडौं– मित्रराष्ट्र चीनका राष्ट्रपति सी जिन पिङको नेपाल भ्रमणले त्रिदेशीय साझेदारीको ढोका खुलेको नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले बताएका छन् ।
नेकपाले आयोजना गरेको चियापानमा बोल्दै उनले भारत र चीन भ्रमणको क्रममा आफूले त्रिदेशीय साझेदारीमा जानुपर्छ भनेको स्मरण गराए । अहिले त्यो दिशातिर जाने आधार बनेको उल्लेख गर्दै उनले टु प्लस वन भनेर मोदी र सीबीच कुरा हुनुले त्यसलाई दर्शाएको उनले बताए ।
चीनका राष्ट्रपति सी चिनपिङको नेपाल भ्रमण र भारतबाट पेट्रोलियम पाइपलाइन उद्घाटन एकै समयमा हुनुले त्रिदेशीय साझेदारी देखाएको उनको दाबी थियो ।
दाहालले संघीय लोकतन्त्रिक गणतन्त्र कुनै दल विशेषको सम्पत्ति नभएको बताउँदै यो सात दशक लामो संघर्षपछि प्राप्त हामी सबैको सम्पत्ति भएको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।