एजेन्सी– भारतको राजधानी नयाँ दिल्लीको एक अदालतले दिल्ली विधानसभाका सभामुख राम निवास गोयललाई एक निर्माताको घरमा जबरजस्ती घुसेको मुद्दामा ६ महिना जेल सजाय सुनाएको छ । अदालतले गत शुक्रबार यो घटनामा गोयललाई दोषी ठहर गरेको थियो । 

यो खासमा ६ फ्रेबुअरी २०१५ को रातको घटना हो ।

दिल्लीको विधानसभा निर्वाचनभन्दा पहिले ६ फ्रेबुअरी २०१५ मा स्थानीय बिल्डर मनीष घईको बिहारको घरमा गोयल आफ्ना समर्थकसहित जबरजस्ती घुसेका थिए । मनीषले आफ्नो घरमा तोडफोड गरिएको आरोप लगाएका थिए ।