एजेन्सी– दिल्ली विश्वविद्यालयको सेन्ट स्टिफेन्स कलेजका लेक्चररले आमाको हत्या गरेपछि आत्महत्या गरेका छन् । २५ वर्षका एलेन स्टेनले शनिबार आत्महत्या गरेका हुन् । शनिबार नै उनको शव रेलवे लाइनमा भेटिएको थियो । 

दिल्लीको प्रहरीका अनुसार उनीविरुद्ध आपराधिक मुद्दा चलिरहेको थियो । एलेनकी आमा लेसी पनि घरमा मृत भेटिएकी थिइन् । उनीविरुद्ध पनि आत्महत्या गर्न उक्साएको भन्दै मुद्दा चलिरहेको थियो । 

प्रहरी जाँचमा एलेनले पाँच दिन अघि नै आमालाई आत्महत्या गर्न बाध्य पारेका थिए । तर, उनकी आमाले आत्महत्या नगरेपछि उनको हत्या भएको थियो । त्यसपछि प्रहरीले एलेनको खोजी सुरु गरेको थियो । तर, उनको शव शनिबार सराय रोहिल्ला रेलवे स्टेसनमा भेटियो ।

यो घटना आएपछि दिल्ली विश्वविद्यालयमा तहल्का मच्चिएको छ । विद्यार्थीहरुले चाहिँ एलेन मिलनसार भएको बताएका छन् । उनले आइआइटीमा पिएचडी गरिरहेको पनि भारतीय मिडियाले जनाएका छन् ।